Soltústik Qazaqstanda eki júk kóligi soqtyǵysty
PETROPAVL. QazAqparat - Soltústik Qazaqstan oblysynda eki júk kóligi soqtyǵysty, dep habarlaıdy «QazAqparat» HAA tilshisi. SQO ІІD baspasóz qyzmeti «Astana-Petropavl» tasjolynyń 437 shaqyrymynda, Aqqaıyń aýdanynda Mersedes jáne «MAN» júk kólikteriniń soqtyǵysý faktisin rastady.
«Aldyn ala derek boıynsha, Mersedes avtokóliginiń júrgizýshisi róldi ıgere almaı, qarsy bettegi jolaqqa shyǵyp ketken. Bul fakti QR QK 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeýdiń biryńǵaı tirkelimine engizildi», - dedi Aqqaıyń aýdandyq ІІB JPQ bastyǵy Qýanysh Jumaǵulov.
Eki júrgizýshi men jolaýshylardyń biri aýdandyq aýrýhanaǵa jetkizilgen.
