Soltústik Qazaqstanda eki júk kóligi soqtyǵysty

PETROPAVL. QazAqparat - Soltústik Qazaqstan oblysy ІІD JPQ qyzmetkerleri IVEKO jáne GAZ avtomashınalarynyń soqtyǵysý faktisi boıynsha materıaldar jınady, dep habarlaıdy «QazAqparat» HAA tilshisi.

Oqıǵa ornynda túsirilgen sýretter áleýmettik jelide tarap ketken. SQO ІІD baspasóz qyzmeti «IVEKO MAGIRUS» jáne «GAZ 330202-14» mashınalarynyń soqtyǵysqanyn rastady. Jol-kólik oqıǵasy tańerteń «Astana - Petropavl» tasjolynyń 473 shaqyrymynda bolǵan.

«Aldyn ala nusqa boıynsha, «IVEKO» kóliginiń 51 jastaǵy júrgizýshisi rýldi basqara almaı, qarsy jolaqqa ótip, «GAZ 330202-14» markili mashınasymen soqtyǵysýǵa jol bergen», - dep aqparat berdi baspasóz qyzmeti.

Jol-kólik oqıǵasy saldarynan «IVEKO» kóligi aýdarylyp ketse, «GAZ» mashınasynyń da birqatar bóligi qırady. Zardap shekkender joq.