Soltústik Qazaqstanda dárigerler jetispeıdi
PETROPAVL. QazAqparat - Tamyzda medıtsınalyq oqý oryndaryn támamdaǵan 87 jas maman SQO-ǵa jumysqa kelmek, dep habarlaıdy «QazAqparat» HAA tilshisi.
Densaýlyq saqtaý basqarmasynyń basshysy Vladımır Bezlerdiń sózine qaraǵanda, oblysqa qazir 282 dáriger-maman kerek. Petropavldyń ózine 171 maman jetispeıdi. 2016 jyly óńirge 90 maman keldi, 42-si - aýyldyq jerlerge jumysqa ornalastyrylǵan.
«Medıtsınalyq JOO-larmen 87 shartqa qol qoıdyq», - dep atap ótti basqarma basshysy.
V. Brezlerdiń aqparatyna sáıkes, kún saıyn oblys emhanalary men «jedel járdemge» 8 myńnan astam adam júginedi. Jarty jylda óńirde 3,3 myń náreste dúnıege keledi. Akýsherler kúnine orta eseppen 18 áıeldi bosandyrady.
«Óńirde medıtsınalyq qyzmet alatyn adamdar sany artyp keledi. Sońǵy úsh jylda olardyń sany 1039-dan 1547-ge jetti. 2017 jylǵy 6 aıda mundaı kómekti 718 adam aldy», - dep atap ótti V. Bezler.
