Soltústik Qazaqstanda boran kezinde jas muǵalim joǵalyp ketti
PETROPAVL. QazAqparat - SQO polıtseıleri iz-túzsiz joǵalǵan 20 jastaǵy Ýálıhanov aýdanynyń turǵynyn izdep jatyr, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
ІІD, aýdandyq ІІB, TJ, ákimdiktiń qyzmetkerleri kesheden beri 20 jastaǵy Bereke aýylynyń turǵynyn izdep jatyr.
«Beısenbi kúni muǵalim 12:30-da mektepten shyǵyp ketip, úıine barmaǵan. Onyń jolda adasyp júrip aýyldasynyń úıine kirgeni belgili boldy. Keıin, boran saldarynan jol kórinbeı, belgisiz baǵytqa ketken», - dep pikir bildirdi baspasóz qyzmetindegiler.
Beısenbi kúni Bereke aýylynda qatty jel burqasyn soqqany sonshalyq, úıler kórinbegen. Sondaı-aq, jas jigit jergilikti turǵyn bolmaı shyqty.
Aýdandyq ІІB bastyǵy polıtsııa podpolkovnıgi Marat Áljanovtyń aıtýynsha, izdeý toptary jumys istep jatyr.
