Soltústik Qazaqstanda bir táýlikte 68 adam koronavırýs juqtyrdy
PETROPAVL. QazAqparat – Soltústik Qazaqstan oblysynda ótken táýlikte 68 adam koronavırýsty juqtyrsa, 50 adam jazylyp shyqty, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 13 jeltoqsanda óńirde koronavırýs juqtyrǵan 68 adam anyqtalsa, sonyń 32-sinde aýrý belgileri bolǵan.
Petropavl qalasy aýyrǵandar boıynsha alda keledi, munda ótken táýlikte 43 jaǵdaı tirkeldi.
Aqqaıyń aýdanynda – 9, Qyzyljar aýdanynda – 5 jáne Jambyl aýdanynda KVI juqtyrǵan 4 adam anyqtaldy.
Oblysta PTR zertteýler júrgizetin 4 zerthana jumys isteıdi. Pandemııa bastalǵaly 191 myńnan astam adam test tapsyrǵan. Sonyń tek 3,9% ǵana oń nátıje bergen.
Jalpy SQO-da KVI juqtyrýdyń 7509 jaǵdaıy tirkeldi.
Búginnen bastap oblys ortalyǵynda karantın shekteýleri jeńildetilip, Petropavl men Qyzyljar aýdany aýmaǵynan blokpostar alyndy.
