Soltústik Qazaqstanda bıdaı alqabyndaǵy órt sóndirildi
PETROPAVL. QazAqparat – Soltústik Qazaqstan oblystyq tótenshe jaǵdaılar departamentinde egistik alqabyndaǵy órt jaǵdaıy týraly aıtty, dep habarlaıdy QazAqparat tilshisi.
Vedomstvo baspasóz qyzmetiniń aqparaty boıynsha, Taıynsha aýdanynda bıdaı alqabynan órt shyqqan. Órt 6 gektar aýmaqty sharpyǵan. Ol ot jaǵý barysyndaǵy salaqtyqtan týyndaǵan.
M.Jumabaev aýdany, Vozvyshenka aýylynda elektr symdar júıesiniń qysqa tuıyqtalýynan kombaın janyp ketken. Bul joly alqap órtengen joq.
«496 reıd júrgizildi. Orylǵan egistikti baqylaýsyz órtegeni úshin 159 jeke jáne zańdy tulǵa ákimshilik jaýapqa tartylyp, 1,6 mln teńge somada aıyppul tóledi. Aýyl sharýashylyǵy óndirýshilerimen nusqaýlyqtar ótkizilip jatyr», - dedi departament bastyǵynyń orynbasary Nurlan Atyǵaev.
Qutqarýshylar egin jınaý kezinde órtke qarsy sharalardyń tolyq kesheni qajettigin eske saldy.
Avtor: Olesıa Jýkoven
