Soltústik Qazaqstanda basqarmalar sany qysqardy
Bul jaıynda óziniń áleýmettik jelidegi paraqshasynda oblys ákimi Qumar Aqsaqalov jarııalady.
«Prezıdent tapsyrmasyna saı biz jınaqy memlekettik apparat quryp jatyrmyz. Soǵan oraı, 8 basqarmany qaıta qurdyq. Jastar saıasaty basqarmasy ishki saıasat basqarmasyna qosyldy. Kásipkerlik jáne týrızm - ındýstrııalyq-ınnovatsııalyq damý basqarmasyna biriktirildi. Jer qatynastary basqarmasy qysqaryp, onyń mindetin aýyl sharýashylyǵy basqarmasy atqarady», - dedi Qumar Aqsaqalov.
Budan basqa jumyldyrý daıarlyǵy jáne azamattyq qorǵaý basqarmasy joıyldy. Alaıda eki - din isteri boıynsha jáne memlekettik satyp alýlar basqarmalary quryldy.
«Tilderdi damytý basqarmasy men mádenıet, arhıvter jáne qujattama basqarmasy biriktirildi. Bul tolyq oılastyrylǵan sheshim. Mádenıet jáne til - bir-birimen tyǵyz baılanysqan uǵymdar. Eki basqarmany biriktire otyra, biz óńirdegi til saıasatyn jańa deńgeıde damyta alamyz. Birikken basqarmanyń jumysyna qosymsha qazaq tili mamandary tartylady. Sondaı-aq tilderdi damytýǵa bólinetin qarjy kólemi arta túspek», - dep jazdy oblys ákimi.
Qumar Aqsaqalovtyń pikirinshe, basqarmalardyń sanyn azaıtý arqyly bıýdjet qarajaty únemdeledi. Basqarý quramy shaǵyn bolǵandyqtan sheshim qabyldaý merzimi qysqarmaq.
