Soltústik Qazaqstanda bas sanıtar dárigerdiń jańa qaýlysy shyqty
SQO-nyń bas sanıtarııa dárigeri Arman Kúshbasovtyń jańa qaýlysyna sáıkes 2020-2021 oqý jylynyń úshinshi toqsanynan bastap:
- 300-ge deıin oqýshysy bar qala jáne aýyl mektepteri dástúrli túrde sabaqqa kirisedi. Alaıda synyptarda bala sany 15-ten aspaýy kerek;
- ata-analardyń ótinishimen jalpy bilim beretin mektepterde 1-5 synyptar arasynda, al halyqaralyq mektepterde 7synypqa deıin kezekshi synyptar bolady, bala sany 15-ten aspaýy qajet;
- mektep bitiretin 9,11,12 synyp oqýshylary aptanyń 6 kúninde pánderdiń 70% shtattyq rejımde, qalǵanyn qashyqtan oqıdy. Adam sany 15-ten aspaýy kerek, 1 kabınet – 1 synyp qaǵıdasy boıynsha áleýmettik qashyqtyqty saqtaı otyra, maska taǵyp bilim alady. Alaıda mektepte adam sany jobalyq qýattylyǵynyń 30% aspaýy kerek;
- oqýshylardy sabaqtan tys jeke oqytý toptarynda bilim mekemesi ákimshiliginiń sheshimi boıynsha 5 adamnan aspaýy qajet.
- arnaıy bilim berý qajettiligi bar balalarǵa arnalǵan mektep-ınternattarǵa, mamandandyrylǵan, arnaıy uıymdarǵa, jalpy jáne daryndy balalarǵa arnalǵan mektep-ınternattarǵa jumys isteýine ruqsat beriledi;
- kolledjder men joǵary oqý oryndarynyń 1 kýrs stýdentterine ekinshi semestrden bastap shtattyq rejımde oqýǵa ruqsat beriledi;
Budan basqa karantındik shekteýler birshama jeńildetilip, halyqqa qyzmet kórsetetin: avtojýý, avtokólikterdi, saǵattardy, turmystyq tehnıkany, telefon-kompıýterlerdi, aıaq kıimdi jóndeý oryndaryna, tigin atelelerine, hımııalyq tazalaý, kir jýý, turmystyq úı ustanymymen jumys isteıtin ortalyqtarǵa jumys isteýge ruqsat beriledi.
Bıznes ortalyqtar, aqsha aıyrbastaý pýnktteri, lombardtar, qarjy naryǵynyń sýbektileri ashylady.
Búgin sondaı-aq óńirdiń bas sanıtar dárigeri Arman Kúshbasov brıfıngide koronavırýs boıynsha óńirdegi jaǵdaıǵa toqtalyp, turǵyndardy merekeni úıde, otbasymen toılaýǵa shaqyrǵan edi.