Soltústik Qazaqstanda balyqtar jappaı qyrylyp qaldy

PETROPAVL. QazAqparat - Soltústik Qazaqstan oblysynyń Aıyrtaý aýdanyndaǵy Jaqsy-Jalǵyztaý kólinde balyqtardyń jappaı ólimi tirkelgen, dep habarlaıdy QazAqparat tilshisi.

Sý qoımasynda Tabıǵı resýrstar jáne tabıǵat paıdalanýdy retteý basqarmasynyń mamandary jumys jasap jatyr.

«Aldyn ala esep boıynsha, 80 keli balyq qyrylǵan. Kóldiń mańaıyn dárileý kezinde sýǵa hımııalyq zattar túsip ketýi múmkin, ony joqqa shyǵarmaımyz. Sý men balyqtyń synamasyn zerthanaǵa jiberdik. Nátıjesi bes kúnnen keıin belgili bolady, sonda ǵana naqty sebebin aıta alamyz» , - dedi Janýarlar álemi jáne balyq resýrstary bóliminiń basshysy Erlan Táshimov.