Soltústik Qazaqstanda azyq-túlik, kıim-keshek qymbattady
PETROPAVL. QazAqparat - Mamyr aıynda Soltústik Qazaqstan oblysynda barlyq toptaǵy taýarlar qymbattady, dep habarlaıdy «QazAqparat» HAA tilshisi statıstıka departamentine silteme jasap.
Statıstıka qyzmetkerleri mamyr aıynda azyq-túlik ónimderiniń baǵasy - 3,8%, azyq-túliktik emes taýarlardyń baǵasy - 2,4%, aqyly qyzmetter 6,5%-ǵa artqandyǵyn anyqtady. Sonymen qatar, et, alkogolsiz sýsyndar, jarmalar jáne qant qymbattaǵan. Jemis-jıdek, balyq jáne teńiz ónimderi, sút taǵamdary jáne maıdyń baǵasy sál artqan. Al jumyrtqanyń baǵasy kerisinshe, 12%-ǵa arzandady.
Soltústikqazaqstandyqtardyń kıim-keshek, aıaq kıim, oqý quraldaryna jumsalatyn shyǵyny da artty. Qurylys materıaldarynyń da baǵasy qymbattaǵandyqtan, páterlerge jóndeý jumystaryn júrgizý qyzmetiniń de quny artty. Meıramhanalarǵa da burynǵydan artyq tóleýge týra keledi.
Statıstıka departamentiniń málimetinshe, jan basyna shaqqandaǵy eń tómengi kúnkóris deńgeıi tutynýdyń mınımaldy kólemimen esepteldi jáne ol mamyr aıynda 20 824 teńgeni qurady.
