Soltústik Qazaqstanda azyq-túlik baǵasy ósti
PETROPAVL. QazAqparat - Soltústik Qazaqstan oblysynda qarasha aıyndaǵy ınflıatsııa deńgeıin eseptedi, dep habarlaıdy «QazAqparat» tilshisi.
Statıstıka departamentiniń málimetinshe, ótken aıda aımaqtaǵy ınflıatsııa 0,8 paıyzdy quraǵan. Azyq-túlik jáne taǵamdyq emes taýarlar baǵalarynyń azdap kóterilgeni atap ótiledi.
Atalmysh aımaqta nan, qant, maı, qus eti, un jáne teńiz ónimderi, jarna, alkogoldi jáne alkogolsiz sýsyndar, temeki ónimderi 0,5 paıyzdan 4,3 paıyzǵa deıin qymbattaǵan. Qııar baǵasy 28 paıyzdan astam kóterilse, qyzanaq baǵasy 25 paıyzǵa qymbattady. Sonymen birge, sábiz, kartop jáne alma baǵasy arzandaǵan.
Soltústikqazaqstandyqtarǵa búgingi kúni qurylys materıaldary, turmystyq hımııa jáne farmatsevtıkalyq ónimder, kıim-keshek jáne aıaq kıim, turmystyq tehnıkanyń baǵalary da eselengen. Qysqy dızeldik otyn baǵasynyń 26,5 paıyzǵa óskeni tkirkelip otyr.
Statıstıkter bul kezeńdegi kúnkóris deńgeıin de eseptegen. Olardyń málimetinshe, qarasha aıynda ol 24 309 teńgeni qurap, 2017 jylǵy jeltoqsanmen salystyrǵanda 5,5 paıyz joǵary bolyp otyr.
