Soltústik Qazaqstanda aıyna 500 tonna suıyq sabyn shyǵarylady
PETROPAVL. QazAqparat - Soltústik Qazaqstandaǵy «Radýga» JShS suıyq sabyn óndire bastady, dep habarlaıdy QazAqparat tilshisi.
Aı saıyn jergilikti taýar óndirýshi 100 tonna suıyq sabyn shyǵaryp jatyr. Naryqta suranysqa ıe ónimdi ózderi óndiredi. Onyń syrtqy qaptamasyn da ózderi jasap shyǵarýda.
«Ydysty jasap shyǵarý úshin polımerler qoldanyp jatyrmyz. Qazir bótelke úshin shıkizat óndiretin tehnologııany jasaýdamyz. Zamanaýı ataýy Bottle in Bottle. Pet-bótelkelerdi jınap, ony qaıta óńdeımiz jáne olardan qaptama jasaımyz», - dedi «Radýga» JShS zaýytynyń dırektory Evgenıı Lı.
Kompanııa sabyn jasaý úshin shıkizatty Qazaqstanda jáne kórshi Reseı óńirlerinen satyp alady. Eksportqa ónimniń 15% ketedi.
«Biz turmystyq hımııa fabrıkasyn ashyp, qatty sabyn óndirýdi bastaýdy josparlap otyrmyz. Mundaı óndiris Reseıde bar, biraq Qazaqstanda joq. Jabdyqtardy satyp aldyq. Ony montajdaý úshin Qytaıdan mamandar kele jatyr. Shildede óndiristik qýattylyqqa shyǵýdy kózdep otyrmyz. Aı saıyn 500 tonna suıyq jáne qatty sabyn shyǵaramyz», - dedi Evgenıı Lı.
Óndirýshi soltústikqazaqstandyq sabynnyń baǵasy arzan, ári sapasy da ımporttyq taýardan kem túspeıdi dep sendirdi.
