Soltústik Qazaqstanda aýyldy qorǵaý úshin jol jyrylyp qyzyl sý aǵyzyldy
PETROPAVL. QazAqparat - SQO-da aýyldy qyzyl sýdan qorǵaý úshin respýblıkalyq mańyzy bar «Jezqazǵan-Petropavl» jolynyń bir bóligi jyryldy, dep habarlaıdy «QazAqparat» HAA tilshisi SQO TJD baspasóz qyzmetine silteme jasap.
«Keshe keshke Novoıshımskoe aýylynyń stansalyq kentin sý tasqynynan qorǵaý maqsatynda aýyl mańyndaǵy respýblıkalyq mańyzy bar A-16 «Jezqazǵan-Petropavl» avtojolynyń 701-shaqyrymynda jol jabyndysyn qazý jumystary júrgizildi. Sol jerge jergilikti polıtsııa qyzmeti kezekshilik uıymdastyryp, kúzet ornatty», - dedi baspasóz qyzmeti.
Sol aýdanda, Toqsan bı aýylynan 5 shaqyrym jerdegi trassaǵa eki ret sý jaıylǵan. Alǵashqysy respýblıkalyq mańyzy bar «Jezqazǵan-Petropavl» avtojolynan 68 shaqyrymynda tirkeldi, onyń uzyndyǵy 180 m, tereńdigi 20 sm-ǵa deıin jetedi. SQO TJD málimetterine sáıkes, eldi mekendi sý basý qaýpi tónip turǵan joq. Kólik qozǵalysy shekteldi. Osy baǵytta Rýzaevka aýyly arqyly aınalma jol bar.
Taǵy bir sýdyń jaıylýy Toqsan bı aýyly mańynda, respýblıkalyq mańyzy bar M-36 «Ekaterınbýrg - Almaty» avtojolynda bolǵan. Onyń uzyndyǵy 220 metrdi, tereńdigi 20-25 sm quraǵan. Eldi mekenderge qaýip tóndirip turǵan joq. Tek kólik qozǵalysy qıyndaı tústi.
