Soltústik Qazaqstanda árbir tórtinshi iri kásiporyndy áıel basqarady
PETROPAVL. QazAqparat – Soltústik Qazaqstan oblysynda jeke kásipkerlerdiń jartysyna jýyǵy, ıaǵnı 45,7% - áıelder, dep habarlaıdy QazAqparat tilshisi.
SQO statıstıka departamentiniń málimetinshe, óńirde 34 myńnan astam shaǵyn jáne orta kásipkerlik nysany tirkelse, 29 myńy tabysty jumys istep jatyr. Onda 100 myńǵa jýyq adam eńbek etedi.
Ár shaǵyn kásiporynnyń úshinshisin, orta jáne iri kásiporynnyń árbir tórtinshisin búginde qyz-kelinshekter basqarady. ıAǵnı oblystaǵy kásipkerlerdiń 45,7% - áıelder.
Áıelderdiń kásibi - 81,3% bilim salasyna qatysty bolsa, densaýlyq saqtaý jáne halyqqa áleýmettik qyzmet kórsetý - 67,5%-ben ekinshi orynda tur.
Sondaı-aq qyz-kelinshekter qoǵamdyq tamaqtaný oryndaryn ashyp, kóterme jáne bólshek saýda, avtomobıl jáne mototsıkl jóndeýmen aınalysady, jyljymaıtyn múlikpen jasalatyn operatsııalar boıynsha da qyzmet kórsetedi eken.
Al áıelderdiń 26,7 % zańdy tulǵa retinde eńbek etip jatyr. Onyń - 61,1% bilim salasynda, 43,3% - qarjy jáne saqtandyrý qyzmetinde, sondaı-aq densaýlyq saqtaý jáne halyqqa áleýmettik qyzmet kórsetýde jáne óner, oıyn-saýyq jáne demalys oryndarynda jumys isteıdi.
