Soltústik Qazaqstanda árbir ekinshi otbasy ajyrasyp ketedi
PETROPAVL. QazAqparat - Soltústikqazaqstandyq statıstıkter ótken jylǵy nekeler men ajyrasýlar sanyn eseptedi, dep habarlaıdy QazAqparat tilshisi.
Statıstıka departamentiniń deregi boıynsha, byltyr 3 605 neke tirkelgen. Osy kezeńde 2107 neke buzylǵan. Tirkelgen nekeler sany 5,9%-ǵa qysqarǵan. Al, ajyrasý sany 5%-ǵa artqan.
Byltyr 7 184 soltústikqazaqstandyq dúnıege kelgen. 2017 jylǵy kórsetkishpen salystyrǵanda, jańa týǵan sábıler sany 2,3%-ǵa kem.
Al, shetinegender sany 1,8%-ǵa azaıǵan. Turǵyndardyń basym bóligi qan aınalym júıesiniń buzylýy, tynys alý organdarynyń aýrýy, qaıǵyly jaǵdaılar, ýlaný jáne jaraqat, asqorytý organdarynyń aýrýlary saldarynan kóz jumǵan.
Halyqtyń tabıǵı ósimi 626 adamdy quraǵan.
Oblystyń halyq sany 2019 jyldyń 1 qańtaryndaǵy derekter boıynsha 554,5 myń adam bolǵan. Soltústikqazaqstandyqtardyń jartysynan kóbi aýyldyq jerlerde turady.
