Soltústik Qazaqstanda antıterrorıstik zańnama boıynsha 400-den astam quqyqbuzýshylyq tirkelgen
PETROPAVL. QazAqparat - Soltústik Qazaqstan oblysynyń polıtsııasy lańkestikke qatysty 575 osal nysandy tekserdi, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Ol tizimge ákimshilik ǵımarattar, strategııalyq nysandar, oqý ordalary, kóliktik qurylystar, memlekettik mekemeler jáne saýda-oıyn-saýyq ortalyqtary jáne t.b. engen. Ásirese, halyq kóp jınalatyn ǵımarattarǵa erekshe nazar aýdarylady.
2016 jylǵy tekserister qorytyndysy boıynsha, 400-den astam quqyqbuzýshylyq anyqtaldy. Barlyq faktiler boıynsha, QR ÁQBK 149-baby - «Terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaý jáne (nemese) tıisinshe oryndamaý» boıynsha ákimshilik hattamalar toltyryldy. Oıyn-saýyq ortalyqtary, bazarlar, saýda úıleri men bilim berý mekemeleri ákimshilik jazaǵa tartyldy.
Antıterrorıstik zańnamany buzǵany úshin 100-den 1000 AEK-ke deıin aıyppul qarastyrylǵan. Quqyqbuzýshylyqty joıý jónindegi uıǵarymdy oryndamaý da ákimshilik jaýapkershilikke ákep soǵady.
