Soltústik Qazaqstanda anasy urǵan 3 jasar qyz qaıtys boldy
PETROPAVL. QazAqparat – Soltústik Qazaqstan oblysynda anasy ólimshi etip urǵan 3 jasar qyz qaıtys bolyp, polıtseıler qylmystyq istiń babyn qaıta aýystyrdy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, Petropavlda 3 jasar qyz alǵan dene jaraqattarynan oblystyq balalar aýrýhanasynda qaıtys boldy. 17 qańtar túsken sábıdiń ómirine dárigerler arasha túskenimen, aman alyp qala almady.
Kámeletke tolmaǵannyń densaýlyǵyna asa aýyr zııan keltirý deregi boıynsha QR Qylmystyq Kodeksiniń 106-baby 2 bóligi «Densaýlyqqa qasaqana aýyr zııan keltirý» boıynsha sotqa deıingi tergeý júrgizilip jatyr.
Sábıdiń qaıtys bolýyna baılanysty qylmystyq quqyq buzýshylyqtyń quramy QR Qylmystyq Kodeksiniń 106-baby 3 bóligine ózgertildi. Bul boıynsha 8-12 jylǵa deıin bas bostandyǵynan aıyrý jazasy qarastyrylǵan.
Osy qylmysty jasaǵan qyzdyń anasy, 1998 jyly týǵan áıel ustalyp, tergeý ızolıatoryna qamaýǵa alyndy.
Mamandardyń aıtýynsha, qylmystyq istiń aıasynda tergeý amaldary júrgizilip, birqatar saraptama taǵaıyndaldy.
Qylmystyq istiń tergeý barysyn SQO PD bastyǵy, SQO prokýrory baqylaýǵa aldy.
