Soltústik Qazaqstanda ań aýlaý alaby 12,3 paıyzǵa ulǵaıdy

Máselen, byltyr ań aýlaý sharýashylyqtaryna 5524 myń gektar alaby bekitilgen, ol 2011 jylǵydan 12,3 paıyzǵa artyq. Aýa raıynyń qolaıly jaǵdaıy jáne jem men azyqtyń jetkilikti bolýy jabaıy ań-qustardyń sanynyń artýyna jaǵymdy áserin tıgizgen. Bul týraly Statıstıka agenttiginiń baspasóz qyzmetinen habarlandy.

Agenttik málimetteri boıynsha, 2013 jyldyń 1 qańtaryna jabaıy tuıaqty janýarlarlar túriniń 6,3 myń basy jáne qanatty qustardyń 383,2 myń basy tirkelgen. Olardyń ishinde 6 myńnan astam elik, 0,2 myńnan astam dońyz esepke alynsa, bódene - 3,3 myńǵa jýyq, qur - 6,5 myńǵa jýyq, qasqaldaq - 62,4 myńǵa jýyq , qaz - 26,3 myńnan astam, balshyqshy - 26,7 myńǵa jýyq, shilder - 4,7 myń, jabaıy úırekter 253,3 myńnan astam dep esepke alynǵan.

Ótken jyly ań aýlaýdyń 69 tártibi buzylǵan, 466,0 myń teńge somasynda aıyppul jáne 1624,5 myń teńge shaǵym óndirilip, 59 adam ákimshilik jaýapqa tartylǵan.