Soltústik Qazaqstanda aldaǵy kúnderi aýa raıy qandaı bolady
PETROPAVL. QazAqparat – Soltústik Qazaqstan oblysynda birneshe kúnnen beri boran soqsa, aldaǵy eki kúnde kún kúrt sýytyp, keı jerlerde -30 gradýsqa deıin jetpek, dep habarlaıdy QazAqparat tilshisi.
«Qazgıdromet» RMM SQO fılıalynyń málimetinshe, Taıynsha aýdanynda ótken táýlikte jeldiń ekpini sekýndyna 28 metrge deıin jetti.
Oblys boıynsha boran soǵyp, kórý 50 metrge deıin shekteldi. Qalyń qar jaýdy.
Máselen Ǵ.Músirepov atyndaǵy aýdannyń Andreevka eldi mekeninde ulpa jamylǵysy 7-14 mm shamasynda boldy, bul bir aılyq normaǵa jaqyn.
Al Qyzyljar aýdany Novonıkolskoe eldi mekeninde 7-9 mm – jarty aılyq norma qar jaýdy.
Aldaǵy eki táýlikte Reseıdiń Máskeý óńirinen kelgen antıtsıklon oblystyń aýa raıyna áser etedi.
Túnde keı aýdandarda -25-30 gradýsqa deıin sýytady.
Osyǵan baılanysty daýyldy eskertý jarııalandy.
«Ekinshi on kúndiktiń sońyna qaraı aýa raıy jylı bastaıdy. Úshinshi on kúndiktiń basynda aýa temperatýrasy kóterilip, túnde -1+4, kúndiz +3+8 gradýs aralyǵynda bolmaq. Keıin túnde taǵy -5-10 gradýsqa deıin tómendep, kúndiz aýa temperatýrasy 0-5 gradýs aralyǵynda bolmaq. Aıdyń sońynda kún qaıta jylynady», - deıdi «Qazgıdromet» RMM SQOF ınjeneri Roman Gırıchev.
