Soltústik Qazaqstanda 95 adamdy kene shaqty
PETROPAVL. QazAqparat - Soltústik Qazaqstanda sońǵy eki aıda kene shaqqannan 95 adam zardap shekti. Barlyǵyna medıtsınalyq kómek kórsetildi.
Bul týraly QR TQQ agenttigi SQO Tutynýshylardyń quqyqtaryn qorǵaý departamentiniń parazıttik aýrýlardy qadaǵalaý bóliminiń basshysy Tatıana Krasnova habarlady.
Epıdemıologtar qaýipti jándikterden qorǵanýdyń birneshe tásili bar ekenin eskertedi. Birinshisi, tabıǵat aıasyna shyqpas buryn kıetin kıim jaıly oılastyrý qajet. Dene barynsha jabyq bolǵany durys.
"Shalbar, uzyn jeńdi keýdeshe, jaǵa tusyn túımelep, aıaqqa shulyq kıip alý qajet", - dep habarlady T. Krasnova.
Mamandardyń aıtýynsha, epıdmaýsym qyrkúıekke deıin sozylady. Osyǵan baılanysty óńirdiń epıdemıologtary birneshe ret orman alqaptaryn óńdeýden ótkizedi. 560 ga jerdi zalalsyzdandyrý josparlanýda.
Bıylǵy jyly jándiktermen kúreske memlekettik bıýdjetten 4 mln. teńgeden astam qarajat bólindi.
