Soltústik Qazaqstanda 900 mln teńgege jańa elektr jetkizý jelisi salynyp jatyr
PETROPAVL. QazAqparat – Soltústik Qazaqstan oblysynda elektrmen jabdyqtaýdy jaqsartý maqsatynda kerneýi 110 kV joǵary voltty elektr jetkizý jelisiniń qurylysy júrip jatyr, dep habarlaıdy QazAqparat tilshisi.
«SevKazEnergo» AQ baspasóz qyzmetiniń málimetinshe, «Novomıhaılovka-Lıteınaıa» dep atalatyn jańa joba Mamlıýt jáne Jambyl aýdandaryn elektrmen jabdyqtaýdy jaqsartady. Ony júzege asyrýǵa kompanııa 900 mln teńge jumsamaq.
Іri qurylys aýdannyń aýyl sharýashylyǵy qurylymdaryna qajet qosymsha energııa qýatyn berý arqyly soltústik óńirdiń bıznestiń áleýetin jaqsartady. Sondaı-aq 20 eldi mekende de elektr qýatynyń sapasy jaqsarady.
«Novomıhaılovka-Lıteınaıa» jobasy 52 shaqyrymǵa sozylady, jumys barysynda árqaısysy 7 tonnalyq, bıiktigi 26 metr bolatyn 300 metall tireýish qoıylady. Mamandardyń aıtýynsha, jumys ońaı emes, sońǵy ret mundaı joba oblysta 30 jyl buryn atqarylǵan. Búgingi qurylysshylar jańa materıaldar qoldanýda. Tireýishterge burynǵydaı aǵash emes, beton jáne temir alynǵan, ıaǵnı dala-orman órti shyqsa, olarǵa eshteńe bolmaıdy. Daıyn beton kólikpen ákelinse, metal tireýishter sol jerde qurastyrylady.
«Tireýishterdi ornatýmen 4 montajdaýshy jáne kótergish kran jumys istep jatyr. Tehnıkanyń mindeti - daıyn tirektiń joǵarǵy bóligin ustap, aldyn-ala daıyndalǵan irgetastyń ústine kóterý. 3 metr tereńdikke tireý úshin aldyn-ala bekitkishter qazylyp, ornatyldy. Bir tireýishti qoıýǵa eki saǵat ýaqyt jumsalady. Jumys tehnıkalyq jobaǵa sáıkes júrgizilip jatyr», - deıdi «Severo-Kazahstanskaıa REK» AQ bas ınjeneri Vıtalıı Fesko.
Jobany «ASB Elektromontaj» JShS tájirıbeli merdigerleri iske asyrýda. 15 adamnan turatyn brıgada shaǵyn toptarǵa bólingen jáne árqaısysynyń óz mindeti bar.
Búgingi tańda jalpy jumystyń 70 % oryndaldy. «Novomıhaılovka» qosalqy stantsııasynan «Ledenevoǵa» deıingi jeliniń alǵashqy 25 shaqyrymy 2021 jyldyń basynda ornatylyp, synaldy. 2022 jyldyń jeltoqsanynda energetıkter qurylysty tolyq aıaqtap, elektr jelisine kerneý berýdi josparlaǵan.
«Jeliniń birinshi bóligi ornatyldy jáne oǵan kerneý jiberildi. Ol qazir jumysty aıaqtaý úshin ýaqytsha óshirilgen. Jyl sońyna deıin biz jobany aıaqtaımyz. Qazir 10 metall tirekterdi ornatý qaldy. Beton tirekter barlyǵy qoıylǵan. Aıazǵa deıin tehnıka qatyp qalmas úshin jermen jumystardy aıaqtamaqpyz. Al symdy sýyqta da tartýǵa bolady», - deıdi «ASB Elektromontaj» JShS dırektorynyń orynbasary Vıtalıı Plaksın.
