Soltústik Qazaqstanda 800-ge jýyq zańsyz qoqys tógý orny anyqtalǵan
PETROPAVL. QazAqparat - Soltústik Qazaqstan oblysynda aımaqtyń ekologııalyq problemalary talqylandy, dep habarlaıdy QazAqparat tilshisi.
Bul joly jemqorlyqqa qarsy qyzmet salasynyń ózekti máseleleri qaraldy. Jemqorlyqqa qarsy is-qımyl departamenti bastyǵynyń birinshi orynbasary Nurlan Jahın eldi mekenderde qatty turmystyq qaldyqtardy saqtaýdy ótkir máseleler qataryna jatqyzdy. Onyń aıtýynsha, Petropavldaǵy «Qyzyljar Tazalyq» JShS polıgonynda qatty turmystyq zattardy jınaý tehnologııasyn durys oryndamaý qorshaǵan ortaǵa zııan tıgizýde. Byltyr departament «Qyzyljar Tazalyq» JShS-de jospardan tys tekserý júrgizgen. Kásiporyn anyqtalǵan buzýshylyqtardy tehnıkalyq jabdyqtardyń joqtyǵynan oryndamaı otyr.
Uıǵarymdy oryndamaǵan «Qyzyljar Tazalyq» JShS-ne 505 myń teńge kóleminde aıyppul salyndy. Bul problemany jergilikti atqarýshy organdar men jurtshylyqty tartý jolymen ǵana sheshýge bolady. Osyǵan uqsas problema Qyzyljar aýdanynyń Beskól aýyldyq okrýginde de bar. Onda QTZ byqsyp janatyn zańsyz qoqys orny bar», - dedi N.Jahın.
Taıaýda Ekologııa departamentiniń basshysy bolyp taǵaıyndalǵan Erbolat Omarov aımaqta 458 qoqys orny bar ekenin habarlady. Sonyń ishinde 256-sy jer ýchaskelerin rásimdegen.
«Beınebaqylaý qorytyndysy boıynsha, qaldyqtardy saqtaýdyń 800-den zańsyz orny anyqtalǵan. Byltyr sonyń 213-i joıyldy. Úsh aýyldyq okrýgtiń ákimi, aýdan ortalyqtary ákimderiniń úsh orynbasary jáne Petropavl qalasy ákiminiń orynbasary ákimshilik jaýapkershilikke tartyldy», - dedi E.Omarov.
