Soltústik Qazaqstanda 57 myń adam koronavırýs vaktsınasyn saldyrdy
PETROPAVL. QazAqparat – Soltústik Qazaqstan oblysynda koronavırýsqa qarsy vaktsınanyń birinshi komponentin 57 144 adam saldyrsa, sonyń 20 myńnan astamy tolyq vaktsınatsııadan ótti, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, qazir óńirde 100-ge jýyq ekpe pýnkti bar.
Olar medıtsınalyq mekemelerden bólek adam kóp shoǵyrlanǵan saýda oryndarynda, kitaphanalarda, sport nysandarynda, bazarlar men oqý oryndarynda da jumys istep jatyr.
Birer kún buryn «Taıga» saýda ortalyǵynda, S.Muqanov atyndaǵy qazaq sazdy-drama teatrynda, qalalyq mádenıet úıinde ashyldy.
Budan basqa jaqynda úsh jyljymaly ekpe pýnkti jolǵa shyqty.
Arnaıy jaraqtandyrylǵan avtobýstar qalanyń shetkeri aýdandary – Bereke men 20-yqsham aýdanda jáne ortalyq saıabaqta oryn tepken.
«Biz ortalyq saıabaqtyń qasynda tańǵy saǵat 9.00-den keshki 21.00-ge deıin jumys isteımiz. Kúnine 60-qa jýyq adamdy qabyldaýǵa múmkindigimiz bar. Ashylǵanymyzǵa bir apta ótti. Osy aralyqta 700-ge jýyq turǵyn vaktsına saldyrdy. Yńǵaıly, óıtkeni, aldyn ala jazylýdyń qajeti joq. Jeke kýálikpen kelse bolǵany. Qazir negizinen zeınet jasyndaǵylar kelip saldyryp jatyr», - deıdi Petropavldaǵy birinshi qalalyq emhananyń ýchaskelik feldsheri Margarıta Salnıkova.
SQO-da turǵyndarǵa úsh túrli vaktsına salynyp jatyr. Olar otandyq QazVac, reseılik «Spýtnık V» jáne BAÁ-niń Hayat-Vax preparattary.
Osy kúnge deıin 57 144 turǵyn ekpeniń birinshi komponentin alsa, 20 237 adam ekinshi komponentin ektirdi.
