Soltústik Qazaqstanda 25 blokpost qoıyldy
PETROPAVL. QazAqparat – Petropavldaǵy blokposttarda karantın ornatylǵannan keıin birneshe saǵatta 170 avtokólik tekserildi, olardyń 67-in qala mańyna kirgizbedi, dep habarlaıdy QazAqparat tilshisi.
Polıtsııa departamenti baspasóz qyzmetiniń málimeti boıynsha, qalaǵa negizinen azyq-túlik alýǵa nemese jeke sharýalarymen bara jatqan aýdan turǵyndary kire almaǵan. Olardyń ishinde Petropavlda jumys isteıtin azamattar da bar, biraq olardyń jumys orny qala tirshiligine qajetti nysandar tizimine enbegen.
«Oblystyń Bas memlekettik dárigeriniń buıryǵyna sáıkes, 3 sáýir saǵat 00.00-den bastap, oblys ortalyǵyna kirýge jáne shyǵýǵa tyıym salynǵan. Turǵyndarǵa qajetti azyq-túlik pen taýar tasymaldaýshy tranzıttik jáne júk kólikteriniń kirýine ruqsat etildi. Turǵylyqty mekenjaıyna kirý nemese shyǵý 4 sáýir 00.00 ýaqytqa deıin múmkin boldy», - dedi jergilikti polıtsııa qyzmeti basqarmasynyń bastyǵy Aıdyn Baımatov.
Petropavldaǵy blokposttar sany 6-dan 5-ke qysqardy. ıAkor jáne Peterfeld aýyldaryndaǵy posttardy biriktirip, qalaǵa jaqyn mańǵa, ıaǵnı Mamlıýt tasjolyndaǵy burynǵy «Zapadnyı» aıaldamasyna aýystyrdy. Berezovka aýylyndaǵy post Solnechnyı aýylyna (jolaýshylar kóliginiń sońǵy aıaldamasy), Penkovo aýylynan Omsk aınalmasyna (burynǵy «Severnyı» aıaldamasyna) aýystyryldy.
Oblys aýdandarynda 25 karantındik post bar. Aýdan ortalyqtary jáne respýblıkanyń basqa oblystarymen shekara jabyq. Koronavırýs ınfektsııasynyń oshaǵy anyqtalǵan Kellerovka aýyly da jabyldy. Barlyq post karantın rejıminde jumys istep jatyr.
Polıtseıler resmı derekkózder taratqan jańalyqtardy baqylap otyrýdy jáne qatań saqtaýdy usynady.
4 sáýir tańerteńgi málimet boıynsha, aýdanda 25 koronavırýs juqtyrý jaǵdaıy anyqtaldy.
