Soltústik Qazaqstanda 23 jastaǵy qurylysshynyń qaza tabý sebepterin anyqtap jatyr
PETROPAVL. QazAqparat - SQO-da jas jigittiń qurylys alańynda qaza tabý sebepteri anyqtalýda, dep habarlaıdy «QazAqparat» HAA tilshisi.
Jas jigittiń qulaǵan ornynyń jan túrshigerlik fotosýretteri Petropavldyń áleýmettik jelilerine tarap ketti. Qoldanýshylar tótenshe jaǵdaıdyń turǵyn úı kesheni qurylystarynyń birinshe bolǵanyn jazýda.
SQO TJD 23 jastaǵy qurylysshynyń qaza tapqanyn rastady.
«Qaıǵyly jaǵdaı senbi kúni 11:00-de boldy. 1992 jyly týǵan tas qalaýshy 14 qabattan qulap ketti», - dep habarlady mekemeniń baspasóz qyzmeti.
Memlekettik eńbek ınspektsııasy oqıǵanyń mán-jaıyn anyqtap jatyr.
«Arnaıy tekserý jumystaryn júrgizemiz. Qazir ınspektor qurylys alańynda júr. On kún boıy tekserý júrgizemiz. Zańnamanyń qandaı normalary buzylǵanyn anyqtaımyz. Mert bolǵan qurylysshynyń tireýishti tazalap júrip qulap ketkeni belgili», - dedi basqarma basshysynyń orynbasary, memlekettik eńbek ınspektory Arman Jálelov.
