Soltústik Qazaqstanda 200-den astam páterge ury túsken
PETROPAVL. QazAqparat - Petropavl qalalyq ІІB tergeýshileri birneshe páterdiń tonalý faktisi boıynsha sotqa deıingi tergeý jumystaryn júrgizýde, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Kókshetaý qalasynyń tórt turǵyny kúdikti retinde ustaldy. Olardyń jasy - 26-dan 30-ǵa deıin.
Olar Petropavldan Kókshetaýǵa qaıtyp bara jatqan jolda Kellerovka aýylynyń tusyndaǵy «Rýbej» júıesiniń baqylaý beketinde tutqyndaldy jáne páter tonaý boıynsha 4 faktini moıyndaryna aldy. Polıtseıler olardyń osy sııaqty basqa da qylmystarǵa qatysy baryna senimdi.
«Qylmystyq top sońǵy bir aı ishinde «jumys istegen». Olar úı ıeleri jumysqa ketken sátti paıdalanyp, qylmysty kúndiz jasaǵan jáne altyn buıymdardy, aqshany, tondar (shýba) men basqa da baǵaly zattardy qoldy etip otyrǵan. Qylmys quraly - qaıqy kilt tárkilendi, onyń kómegimen qala turǵyndarynyń páterlerin ońaı ashyp kelgen. Tutqyndalǵandardyń úsheýi buryn sottalǵan jáne nashaqor bolyp tabylady», - dedi Petropavl qalalyq ІІB bastyǵynyń mindetin atqarýshy Asan Meıramov.
QR QK 188-baby «urlyq jasaý» boıynsha sotqa deıingi tergeý jumystary júrgizilýde. Bul bap boıynsha 5 jylǵa deıin bas bostandyqtarynan aıyrylýy múmkin.
SQO aýmaǵynda jyl basynan beri 200-den astam páter tonaý isi tirkeldi. Onyń 85 paıyzynyń beti ashyldy.
