Soltústik Qazaqstanda 200-den astam avtobýs júrgizýshisi jazalandy
PETROPAVL. QazAqparat - Soltústik Qazaqstan oblysynda úsh kúnde kólik basqaryp kele jatyp telefonmen sóılesken 92 avtobýs júrgizýshisine aıyppul salyndy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Polıtseıler avtobýs júrgizýshileri quqyqbuzýshylyǵynyń aldyn alý jáne olardy anyqtaý sharalaryn jandandyrdy. Úsh kúndik sharalar barysynda olar 1249 jol erejesin buzý faktisin anyqtady. Ákimshilik hattamanyń 241-i qoǵamdyq kólik júrgizýshilerine qatysty toltyryldy.
«Júrgizýshiler kóbinese QR Ákimshilik quqyqbuzýshylyq týraly kodeksiniń 591-babyn («Kólik quralyn basqarý kezinde júrgizýshiniń telefondy ne radıostantsııany paıdalanýy») buzǵan. Osyndaı derek boıynsha 92 hattama toltyryldy. 41 júrgizýshi manevr jasaý qaǵıdalaryn buzǵany úshin ákimshilik jaýapqa tartyldy. 28 júrgizýshi kýáliginsiz kólik basqarý faktisi tirkeldi, 17 júrgizýshi jyldamdyqty arttyrǵany úshin jazalandy», - deıdi baspasóz qyzmetindegiler.
SQO ІІD jergilikti polıtsııa qyzmetiniń bastyǵy Qanat Aıtbaevtyń sózine qaraǵanda, ótken jyly 674 júrgizýshi ákimshilik jaýapqa tartylǵan.
