Soltústik Qazaqstanda 2 ınvestıtsııalyq joba sybaılas jemqorlyqqa qarsy qorǵaýǵa alyndy

PETROPAVL. QazAqparat - Memlekettik qyzmet jáne sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti 2 ınvestıtsııalyq jobany sybaılas jemqorlyq kórinisterinen qorǵaýǵa aldy, dep habarlaıdy QazAqparat vedomstvonyń baspasóz qyzmetine silteme jasap. 

«Protecting Business and Investments» keńsesiniń bazasynda Memlekettik qyzmet jáne jemqorlyqqa qarsy is-qımyl agenttiginiń SQO boıynsha departamenti men «Severnyı stroıtel» JShS jáne «Radýga» JShS arasynda kelisimge qol qoıyldy. Atalǵan kompanııalar óńir ekonomıkasyn 34,5 mlrd teńgeden astam qarajat salady.

Kelisimderge qol qoıa otyra departament basshynyń m.a. Elena Stepanenko departamenttiń, ınvestorlardyń jáne memlekettik organdardyń arasyndaǵy jemisti yntymaqtastyqqa senim bildirdi.

Kelisimge qol qoıylǵannan keıin «Protecting Business and Investments» keńsesiniń platformasyn paıdalaný arqyly ınvestorlar múddeli máselelerdi SQO boıynsha sheteldik ınvestorlardy tartýǵa jáne ınvestıtsııalyq ahýaldy jaqsartýǵa arnalǵan Óńirlik keńestiń músheleri bolyp tabylatyn memlekettik organdardyń birinshi basshylaryna tikeleı suraq qoıdy.