Soltústik Qazaqstanda 17 adam keńes odaǵynyń pasportymen ómir súrip kelgen
PETROPAVL. QazAqparat - SQO polıtseıleri jyl basynan beri 39 adamnyń azamattyǵyn anyqtady, dep habarlaıdy Polisia.kz.
Aıyrtaý aýdanynyń 44 jastaǵy turǵyny jeke kýáligin alǵash ret aldy.
Qujatyn kóshi-qon qyzmetiniń qyzmetkeri men ýchaskelik ınspektor ákelip bergen. Endi ol qajetti emin, áleýmettik qyzmetterdi ala alady.
Áıel óziniń quqyqtyq mártebesin ýaqtyly rettegen jaǵdaıda, mundaı másele týyndamas edi.
Alaıda áıeldiń aıtýynsha, osy kúnge deıin oǵan jeke qujattary qajet bolmaǵan.
Aýyldyq orta mektepti aıaqtaǵan soń esh jerde oqymaǵan, uzaq ýaqyt Aqmola oblysynda turyp, kezdeısoq nápaqamen kúnin kórip kelgen.
Týǵan aýylyna kelgenine kóp bolmapty. Onyń qujatsyz ómir súrip jatqanyn ýchaskelik polıtsııa ınspektory maýsym aıynda úı-úıdi aralaý kezinde anyqtaǵan.
Kóshi-qon qyzmetkerleri ony QR azamaty dep taný jáne qujattardy resimdeý boıynsha shara qabyldady.
SQO PD Kóshi-qon qyzmeti basqarmasy bastyǵynyń mindetin atqarýshy Ermek Nusyrbaevtyń aıtýynsha, jeke basyn kýálandyratyn qujatsyz turatyn adamdardy anyqtaý jumysyn qyzmetkerler ýchaskelik ınspektorlarmen birge turaqty negizde júrgizedi.
Jyl basynan beri 39 adamnyń azamattyǵy anyqtaldy. Onyń barlyǵy QR azamattary dep tanyldy.
22-si 18 jasqa tolǵannan keıin jeke qujattaryn ýaqtyly almaǵan, qalǵandary 1974 jylǵy úlgidegi pasportymen turǵan.
Foto: polisia.kz
