Soltústik Qazaqstanda 15 myńnan astam turǵyn JRVI juqtyryp alǵan

PETROPAVL. QazAqparat – Soltústik Qazaqstan oblysynda jiti respıratorlyq vırýstyq ınfektsııany juqtyrǵandar qatary artyp, aýyrǵandar sany 15 myńnan asty, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde JRVI-men aýyrǵandar sany kóbeıgen.

Ázirge aýrý baqylaý deńgeıinen asqan joq.

Alaıda, epıdemıologııalyq maýsym bastalǵannan beri JRVI-diń 15 462 jaǵdaıy tirkeldi, 100 myń adamǵa shaqqandaǵy aýrý kórsetkishi 2817 qurady.

«Ótken maýsymmen salystyrǵanda aýrýshańdyq 41 % ósken. JRVI-di juqtyrǵandardyń jartysynan kóbi - balalar. 534 adam aýrýhanaǵa jatqyzyldy, onyń ishinde 13 júkti áıel jáne bir jasqa deıingi 155 bala bar. Petropavl qalasynda A tıpti tumaýdyń eki jaǵdaıy tirkeldi. Aıta keteıik, ótken jyly SQO aýmaǵynda tumaý tirkelgen joq. Tumaýǵa qarsy 90 558 adam nemese oblys halqynyń 16,5% egildi», - deıdi SQO sanıtarııalyq-epıdemıologııalyq baqylaý departamentiniń ınfektsııalyq jáne parazıttik aýrýlardy epıdemıologııalyq baqylaý bóliminiń bas mamany Saltanat Bekqojına.

Sanıtarııalyq dárigerlerdiń aıtýynsha, tumaý jáne JRVI-diń taralýyna jol bermeý úshin maska taǵý qajet.

Koronavırýspen kúrestegi sanıtarııalyq-epıdemıologııalyq erejeler de qatań saqtalýy tıis.

«Álemde omıkron shtamy óte jyldam taralyp jatyr jáne Qazaqstanǵa jańa shtamnyń kelýi ýaqyt enshisinde. Ǵalymdar jańa shtamnyń belgileri JRVI men tumaýǵa uqsas ekenin aıtady. ıAǵnı, onyń bes negizgi belgisi bar: bas aýrýy, murynnan aǵýy, túshkirý, tamaqtyń aýrýy jáne sharshaý. Keıbir adamdarda jótel bolyp, tábetteri joǵalǵan. Munyń bári sýyq tııýge, tumaýǵa tán. Alaıda omıkron shtamynyń saldary qanshalyqty aýyr bolatynyn áli eshkim bilmeıdi», - deıdi Saltanat Bekqojına.