Soltústik Qazaqstanda 14 jastaǵy qyz joǵalyp ketti
PETROPAVL. QazAqparat - Petropavl qalalyq ІІB qylmystyq polıtsııa bólimi iz-túzsiz joǵalyp ketken 14 jastaǵy Dıana Nabatchıkovany izdestirip jatyr, dep habarlaıdy QazAqparat tilshisi.
SQO ІІD baspasóz qyzmetiniń málimdeýinshe, 14 jasar qyz 7 qyrkúıek kúni saǵat 21:00 shamasynda úıinen shyǵyp ketip, sodan beri oralmaǵan.
Belgileri: boıy - 167-170 sm, shashy qara, ıyǵynan tómen túsip turady, dene bitimi ortasha, qoı kózdi. Ústinde kók paltosy, djınsy shalbary bolǵan.
Qandaı da bir aqparat biletin azamattar tez arada myna telefondarǵa qońyraý shalyp, habar berýine bolady: 39-48-37, 39-48-32, 39-48-07, 8-747-492-59-15, 8-707-297-47-12, 8-705-336-56-07.
