Soltústik Qazaqstanda 100 turǵyn úıdi sý alyp jatyr
PETROPAVL. QazAqparat - Petropavlda sý tasqyny kezeńinde múlki men úılerine keltirilgen zalaldy esepteıtin komıssııa óz jumysyn bastady, dep habarlaıdy «QazAqparat» HAA tilshisi.
Sý tasyǵan aýmaqtardan birte-birte ketip jatyr. Oblys ortalyǵynda Kojzavod pen Zarechnyı kenti qatty zardap shekken. Qazir oblys boıynsha 100 úı sý astynda tur, onyń 70-i Kojzavodta ornalasqan. Ótken táýlikte Esil ózenindegi sýdyń deńgeıi 13 santımetrge tómendedi. Taıaý kúnderi onyń deńgeıi aıtarlyqtaı tómendeıdi. 
Oblystyq máslıhat hatshysy Vladımır Býbenkonyń aqparaty boıynsha, komıssııa Petropavldaǵy 52 úıdi tekserdi. Zalal týraly alǵashqy málimetter sársenbi kúni shyǵady. Qyzyljar aýdany Teplıchnoe kentinde osy demalysta sýlar aıdalyp, 27 úı tekserýden ótti. Qumar Aqsaqalov sý tasqynynan zardap shekken soltústikqazaqstandyqtarǵa kómek kórsetýdi tapsyrdy. 
«Nur Otan» partııasymen birge adamdarǵa kómek kórsetýdi uıymdastyrýymyz kerek. Birlesip, senbilikter ótkizýimiz qajet - aqtaý, boıaý, materıaldarǵa kómektesý. Eshkimdi óz máselelerimen qaldyryp ketpeýimiz qajet. Kún saıyn jastar, sporttyq, qoǵamdyq uıymdar, adamdar - barlyǵy jaǵdaı bir qalypqa kelgenge deıin sonda bolýy kerek», - dep atap ótti SQO ákimi.
Kojzavod kentiniń turǵyndary áleýmettik jelige sý tasqynynan zardap shekken úılerdiń sýretterin jarııalaýda. Adamdar jaz mezgilinde úıleri keýip úlgermeıtinin jáne qystaıtyn oryn bolmaıtynyn aıtyp, alańdaýly.
