Soltústik Qazaqstanda 100 áıel polıtseıge nagradalar men shender tabys etildi
ASTANA. QazAqparat - Soltústik Qazaqstan oblystyq ishki ister departamentinde 8 naýryzǵa oraı áıel polıtseılerge nagradalar men shender tabys etildi, dep habarlaıdy QazAqparat.
Atalǵan vedomstvonyń baspasóz qyzmeti taratqan aqparat boıynsha, merekelik buıryqqa sáıkes 100-ge jýyq áıel marapatqa ıe bolǵan.
«15-i QR Іshki ister mınıstriniń buıryǵymen yntalandyryldy. Óńir basshysy Qumar Aqsaqalovtyń qurmet gramotamasymen ІІD Jergilikti polıtsııa qyzmetiniń bólimshe bastyǵy Elmıra Abýsheva marapattaldy. SQO ІІD bastyǵy polıtsııa general-maıory Berik Bilálov 60-tan astam qyzmetkerdi yntalandyrdy. 19 qyzmetker kezekti ofıtserlik shen aldy. Іshki ister departamentide jumys isteıtin barlyq áıelder 8 naýryzǵa syıaqy aldy», - delingen taratylǵan aqparatta.
Merekege arnalǵan saltanatty jıyn SQO ІІD ujymynyń er-azamattary daıyndaǵyn kontsertpen aıaqtaldy.
Aıta keterligi, búginde soltústikqazaqstandyq polıtsııada 536 áıel qyzmet etedi. Onyń 393-iniń ofıtserlik jáne serjanttyq sheni bar. Polıtsııa polkovnıgi sheni bar 3 áıel basshylyq qyzmet atqarady. Іshki ister organynda 28 podpolkovnık, 103 maıor áıel bar. Basshylyq qyzmettegilerdiń sany - 13 áıel.
