Soltústik Qazaqstan turǵyndarynyń shyǵyndary ósip jatyr
PETROPAVL. QazAqparat - Byltyr bir adamnyń aı saıynǵy shyǵyny 47 myń teńgeden asqan, dep habarlaıdy QazAqparat tilshisi.
Statıstıka departamentiniń deregi boıynsha, shyǵyndar 14% ósken. Shyǵyndy kóp talap etetin taýarlarǵa azyq-túlik, keıin basqa da taýarlar jáne qyzmet tólemderi jatady.
Azyq-túlik salasyndaǵy shyǵyndar boıynsha birinshi orynda et, nan jáne jarma tur. Azyq-túlik emes taýarlar tobynda kıim men aıaq-kıim (32,7%) kósh bastap tur. Al, qala turǵyndarynyń mundaı shyǵyndary joǵary.
«Úı sharýashylyǵyndaǵy shyǵyndarda turǵyn úı-kommýnaldyq tólemderin tóleýge aqshanyń 35% jumsalady. Al, kólik pen baılanysqa - 33%, bilimge - 7,8% ketedi. Mádenı is-sharalar men bos ýaqytty uıymdastyrý shyǵyndaryna aqshanyń nebári 3,3% jumsalady», - dep málimet berdi departamenttegiler.
Qala jáne aýyl turǵyndarynyń azyq-túlik taýarlaryn satyp alý qurylymdary ártúrli. Qala turǵyndary et pen sútke kóp aqsha jumsaıdy.
Jalpy, aýyl turǵyndarynyń tutyný shyǵyndary qalalyqtarǵa qaraǵanda tómen.
