Soltústik Qazaqstan sý tasqynyna daıyndalýda
PETROPAVL. QazAqparat - SQO Іshki ister departamentinde sý tasqynyna qarsy is-sharalar boıynsha jınalys ótti, dep habarlaıdy «QazAqparat» HAA tilshisi polıtsııa vedomstvosynyń baspasóz qyzmetine silteme jasap.
ІІD jedel josparlaý basqarmasynyń bastyǵy Erbol Bekturovtyń habarlaýynsha, sý tasqyny kezinde jáne sý tasqyny is-sharalaryndaǵy azamattyq qorǵaý qyzmetiniń qatysýy men daıyndyq jospary jasalyp, bekitilgen.
Qutqarýshylardyń aqparatyna súıensek, oblystaǵy 1500 turǵyn úıi bar 95 eldi mekende sý basý qaýpi bar.
Polıtsııa qyzmetkerleri joldardyń jaǵdaıyn baqylaý jumystaryn júrgizýde. Qaýipsizdikti jáne avtokólikterdiń úzdiksiz qozǵalysyn, joldardyń saqtalýyn qamtamasyz etý maqsatynda sý basý qaýpi bar 291 ýchaske baqylaýǵa alyndy. Respýblıkalyq mańyzy bar barlyq 1468 shaqyrymdyq joldy táýlik boıy ІІD jol-patrýldik polıtsııa batalonynyń 15 ekıpajy kúzetýde.
SQO TJD bastyǵy Pavel Fılıppov jol-patrýldik polıtsııa qyzmetkerlerine tas joldardaǵy sý ótkizetin qubyrlardyń jaǵdaıyn qatań baqylaýda ustaý kerektigin nyqtap aıtty.
Jınalys sońynda SQO ІІD bastyǵy Berik Bilıalov tasqynǵa qarsy sharalarǵa baılanysty aýdandardaǵy aýmaqtyq bólimsheler basshylarynyń jeke jaýapkershiligi týraly eskertti.
