Soltústik Qazaqstan sý deńgeıi qaıta kóterilýi múmkin
PETROPAVL. QazAqparat - Soltústik Qazaqstan oblysynda taǵy da sý deńgeıi kóterilýi múmkin, dep habarlaıdy QazAqparat.
«Qazgıdromet» RMK-nyń málimetterine sáıkes, sý Qyzyljar aýdanyna qarasty Novonıkolsk jáne Dolmatov aýyldarynyń mańyn basýy yqtımal.
Oblys ortalyǵyna jaqyn aımaqta respýblıkalyq baǵyttaǵy «Chelıabınsk-Novosıbırsk» jolyn sý basý qaýpi bar. Novonıkolsk aýylynyń mańyndaǵy kópirdi sý basyp, endi ol Nıkolaevka, Órnek jáne Pokrovka aýyldaryna qaraı oıysyp barady.
«Sý deńgeıi «Esil ózeni - Petropavl qalasy» gıdrologııalyq beketinde kóterilip, tipti sharyqtaý shegine jetýi yqtımal. Petropavl sý qoımasynda sý deńgeıi 1 táýlikte 4 sm-den 881 sm-ge deıin jetti»,-dedi «Qazgıdromet» kásiporny fılıalynyń dırektory Natalııa Levına.
Onyń sózinshe, Sergeevsk sý qoımasynda sý tómendep barady.
2 mamyrda óńirde jaýyn jaýmaıdy, keı jerlerge tuman túsedi. Ońtústik-shyǵystan soqqan jeldiń jyldamdyǵy sekýndyna 9-14 metrge jetedi. Aýa temperatýrasy túne 3-8, keı jerlerde 0 gradýsqa jetedi. Kúndiz aýa temperatýrasy -5 jáne -10, keı jerlerde 13 gradýs jyly bolýy múmkin.
