Soltústik Qazaqstan polıtsııasynda 50-den astam erli-zaıypty jup jumys isteıdi
PETROPAVL. QazAqparat - SQO ІІD-de Otbasy kúninde jas otbasylar syıǵa bólendi, dep habarlaıdy «QazAqparat» HAA tilshisi polıtsııa keńsesiniń baspasóz qyzmetine silteme jasap.
Óńirdiń ishki ister organdarynda búgingi tańda 50-den astam erli-zaıypty jup qyzmet etedi. «Otbasy merekesinde bas qosyp jatqanymyzǵa bıyl úshinshi jyl. Ótken jyldary kóp balaly otbasylar men polıtseı otbasy juptaryna qurmet kórsetildi. Al bıyl jas otbasylar syıǵa bólenýde, olardyń keıbiriniń otasqanyna endi ǵana bir aıdan asqan», - deıdi ІІD janyndaǵy konsýltatıvtik-májilistik organnyń múshesi Baqytjan Samıeva.
Shara uıymdastyrýshysy otbasy qundylyqtary, januıadaǵy salt-dástúrler jaıly áńgimeledi. Sharaǵa qatysýshylar otbasynda áke sóziniń bala-shaǵa úshin eń abyroıly uǵym ekenin tilge tıek etti.
«Petropavl ІІB ınspektory Álisher Jarmaǵambetovtiń otaý tikkenine 40 kún boldy. Otbasylyq tájirıbesi az bolsa da, polıtsııa leıtenanty berik otbasynyń qandaı ustanymdar negizinde qurylatynyn jaqsy biledi. Oǵan ákesi bergen «Er adamǵa eki nárse tán: onyń aty men sózi» degen tárbıe otbasylyq ómirinde de, mamandyq tańdaýyna da negizgi ustanym boldy. Álisherdiń ózi de áke jolyn qýǵan. Al jalpy Soltústik Qazaqstan polıtsııasynda 20-ǵa jýyq polıtsııa dınastııasy bar», - delinedi keńse baspasóz qyzmetiniń habarlamasynda.
