Soltústik Qazaqstan oblysynyń turǵyny jemisterdiń ishinen belgisiz zat tapty
PETROPAVL. QazAqparat – Soltústik Qazaqstan oblysynda jemisten belgisiz zat tabylyp, polıtseıler tergeý jumystaryn júrgizip jatyr, dep habarlaıdy QazAqparat polıtsııa departamentiniń baspasóz qyzmetine silteme jasap.
Jaqynda, Taıynsha aýdandyq polıtsııa bólimshesiniń kezekshilik bólimine Qaraǵash aýylynyń feldsheri habarlasqan. Medıtsına qyzmetshisiniń aıtýynsha, oǵan jaqynda jemisterden dárige uqsaıtyn aq tústi zat tapqan aýyl turǵyny kelgen.
«Oqıǵa «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» qylmystyq babynyń sotqa deıingi tergeý jumystarynyń Biryńǵaı reestrine engizildi. Tabylǵan zattyń ne ekenin anyqtaý úshin keshendi sharalar júrgizilip jatyr. Tergeý jumystaryna qatysy bar mekemelerdiń mamandary tartylyp, qajetti saraptama jumystary taǵaıyndaldy», - dedi tergeý basqarmasynyń basshysy Qaırat Qasymbekov.
Іsti polıtsııa departamentiniń basshysy men oblystyq prokýratýra baqylaýda ustap otyr.
