Soltústik Qazaqstan oblysynyń turǵyny óz úıinde qaza tapty
PETROPAVL. QazAqparat – Petropavldaǵy turǵyn úılerdiń birinen órt shyǵyp, er adam qaza tapty, dep habarlaıdy QazAqparat.
Tótenshe jaǵdaılar departamenti baspasóz qyzmetiniń málimetinshe, órt tańǵy saǵat 9-da Bórki aýylynda tirkelgen. Tósek, eden, úı zattary órtengen. Órt 15 mınýttan keıin sóndirildi.
«Órt ornynda úı ıesi, 57 jastaǵy er adamnyń denesi tabyldy. Órttiń aldyn ala sebebi – otty durys qoldanbaý, temeki shegý», – dep habarlady baspasóz qyzmeti.
Jyl basynan beri oblysta órtten 32 adam, onyń ishinde eki bala qaıtys bolldy.
«Taldaý kórsetkendeı, ólim sebebi – turmystaǵy qarapaıym qaýipsizdik erejelerin elemeýden týyndaıdy. Kóp jaǵdaıda órt qurbandary mas bolǵan», – dep tolyqtyrdy baspasóz qyzmeti.
