Soltústik Qazaqstan oblysynyń prokýrorlary oıyn avtomaty bar 6 zaldyń zańsyz qyzmetin toqtatty

dep habarlady QR Bas prokýratýrasynyń baspasóz qyzmetinen.

Vedomstvonyń taratqan aqparatyna sáıkes, zańsyz aınalymnan barlyǵy 97 oıyn avtomaty men 1 elektrondy rýletka alynǵan. Anyqtalǵan barlyq derekter boıynsha tergeýaldy amaldary júrgizilýde.

Máselen, Petropavl qalasyndaǵy «Mark» kafesinde aqsha utysyn beretin 5 oıyn avtomaty anyqtaldy. Tekserý barysynda oıyn avtomattarynda oınap, belgili aqsha somalaryn utqan nemese utylǵan azamattar bolǵany anyqtaldy. Avtomattardyń ıesi túsken tabysty kúndelikti alyp otyrǵan, biraq alynǵan kiristi esh jerde tirkemegen. Tekserý júrgizilgen kúni qumar oıyndaryn zańsyz uıymdastyrýdan túsken tabys 13 500 teńgeni quraǵan.

«Tekserý qorytyndysy boıynsha, oıyn avtomattary ıesiniń áreketterinde ákimshilik quqyq buzýshylyq quramy anyqtalǵanyn eskere otyryp, tıisti materıaldar Petropavl qalasynyń mamandandyrylǵan ákimshilik sotyna jóneltildi. Sottyń qaýlysymen ol 100 aılyq eseptik kórsetkish, ıaǵnı 141 300 teńge aıyppul túrindegi jaýapkershilikke tartyldy. Aıyppul memleket paıdasyna óndirildi, oıyn avtomattary joıý úshin tárkilendi», delingen baspasóz baıanynda.