Soltústik Qazaqstan oblysynyń konkıshileri VІІ qysqy Azıada oıyndaryna qyzý daıyndalyp jatyr
PETROPAVL. 10 qańtar. QazAqparat /Sergeı Kýznetsov/ - Astana men Almaty qalalarynda ótetin VІІ qysqy Azıada oıyndarynyń bastalýyna az ǵana ýaqyt qaldy. Bul halyqaralyq sport dodasyna Soltústik Qazaqstan oblysynyń konkıshileri de qyzý daıyndalyp jatyr.
«Astanada EQYU Sammıtiniń tamasha ótýi Qazaqstannyń halyqaralyq bedelin kórsetti. VІІ qysqy Azıada oıyndary da elimizdiń halyqaralyq deńgeıde moıyndalýynyń dáleli bolady», - deıdi Qazaqstan Respýblıkasynyń eńbek sińirgen jattyqtyrýshysy, Manash Qozybaev atyndaǵy Soltústik Qazaqstan memlekettik ýnıversıtetiniń professory Vıktor Bondarenko.
V.Bondarenkonyń oıynsha, qazirgi tańda Solústik Qazaqstan oblysynyń konkıshileri, atap aıtqanda, halyqaralyq sanattaǵy sport sheberleri Dmıtrıı Babenko, Roman Krech, Tatıana Sokırko Azıada oıyndaryna qyzý daıyndalyp jatyr. Azıada oıyndaryna ótken jyly Qazaqstan chempıonattary men basqa da saıystarda jaqsy nátıjelerge qol jetkizgen soltústikqazaqstandyq sportshylardyń taǵy bir toby qatysýy múmkin.
