Soltústik Qazaqstan oblysynyń ákimi: Kartop - ekinshi nanymyz
PETROPAVL. QazAqparat - Soltústik Qazaqstan oblysynyń ákimdiginde kartop sharýashylyǵyn damytý máselesi talqylandy, dep habarlaıdy QazAqparat.
SQO ákimdiginiń resmı saıtynda habarlanǵandaı, byltyr oblysta kartop 37,4 myń gektar aýmaqqa egildi.
«588 myń tonna ónim jınaldy. 2019 jyly kartop alqaptary byltyrǵy jyldyń kóleminde qalady. Bul saladaǵy júıeli jumys óz jemisin berdi: óńir turǵyndary kartopty arzan baǵamen satyp alýda. Eń bastysy osy», - deıdi SQO ákimi Qumar Aqsaqalov.
«Jýyrda Soltústik Qazaqstan oblysynda kartop alqaptary ulǵaıǵasyn, baǵa quldyrap ketti degen aqparat shyqty. Osylaı bolsa, onda durys baǵyt tańdadyq. Biz kartop óndirisin ulǵaıtyp, baǵany ustap qaldyq. Eń bastysy bazarlarda kartop qol jetimdi baǵamen satylýda. Óıtkeni, kartop bizdiń ekinshi nanymyz. Baǵany ustap turamyz. Kartop alqaptaryn ózgertpeımiz, qajet bolsa odan saıyn ulǵaıtamyz», - dedi Qumar Aqsaqalov.
