Soltústik Qazaqstan oblysyndaǵy kólderdiń sý deńgeıi tómendetilýde
PETROPAVL. QazAqparat - Soltústik Qazaqstan oblysynyń Tótenshe jaǵdaılar departamentiniń (TJD) bastyǵy Erik Sarybaev bastaǵan jumys toby Kamyshlov saıynda tekserý júrgizdi, dep habarlaıdy «QazAqparat» HAA tilshisi departamenttiń baspasóz qyzmetine silteme jasap.
SQO TJD baspasóz qyzmeti habarlaǵandaı, aǵymdaǵy jyly kútilip otyrǵan tasqyn sýdyń zalalyn azaıtý úshin sý deńgeıin tómendetý sharalary júrgizilip, asa qaýipti nysandardaǵy jaǵdaı udaıy baqylaýda.
Esil aýdandyq ákimdiginiń kómegimen sýdy ótkizý arnalaryn keńeıtý boıynsha jumystar júrgizildi. Departament mamandary jasalǵan jumystyń nátıjesimen tanysyp, Kamyshlov saıynyń mańynda ornalasqan ózenderdegi sý deńgeıin ólshedi. 
«Úlken Tarangúl kólindegi arnany keńeıtý jáne tereńdetý jumystary júrgizilip, sýdyń deńgeıin 2 esege - 3 tekshe metrge deıin azaıtty. Bul osy jerdegi sý tasqynynyń deńgeıin tómendetýge múmkindik beredi dep úmittenemiz», - dep túsindirdi Erik Sarybaev.
Ol sýdyń deńgeıi kólderde de, Kamyshlov saıynda da táýlik boıy baqylaýǵa alynady dep sendirdi.
