Soltústik Qazaqstan oblysyndaǵy halyq sany 555,7 myń adamǵa jetti
PETROPAVL. QazAqparat - Soltústik Qazaqstan oblysyndaǵy halyq sany 555,7 myń adamǵa jetti, dep habarlaıdy QazAqparat.
Statıstıkalyq málimetke súıensek, turǵyndardyń 45,3 paıyzy - 251,7 myńy qalada tursa, qalǵan 304 myńy aýyl turǵyndary.
Al óńirdegi 15 jáne odan joǵary jastaǵy jumys kúshiniń sany - 314,5 myń adam nemese 70,5 paıyz. Oblys ekonomıkasynda 299,6 myń soltústikqazaqstandyq jumyspen qamtylǵan. Jaldanyp nápaqasyn taýyp júrgenderdiń basym bóligi (88 paıyzy) kásiporyndarda eńbek etedi. Ózderin jumyspen qamtyp otyrǵandardyń sany - 82 myń adam. Olardyń 63 paıyzy aýyl, orman jáne balyq sharýashylyǵynda jumys isteıdi. Qalǵandary saýda jáne kólik qyzmetin kórsetý salalarynda júr.
Jumyssyz júrgenderdiń basym bóligi, ádettegideı áıelder - 7,6 myń adam. Jalpy, jumyssyzdyq deńgeıi oblysta 4,8 paıyz bolyp otyr.
