Soltústik Qazaqstan oblysynda joldardy jóndeýge bıyl 34 mlrd teńge jumsalady
PETROPAVL. QazAqparat – Soltústik Qazaqstan oblysynda bıyl shamamen 650 km joldyń jaǵdaıy jaqsarmaq, bul maqsatqa 34 mlrd teńge jumsalady, dep habarlaıdy QazAqparat tilshisi.
SQO ákiminiń orynbasary Sátjan Ablalıevtiń aıtýynsha, bıyl jóndelýi tıis joldyń 110 shaqyrymy respýblıkalyq mańyzǵa ıe. Oǵan 9,8 mlrd teńge jumsalmaq. 18,3 mlrd teńgege jergilikti mańyzy bar 480 km jol jóndeledi. Qalǵany – kentishilik jáne Petropavl kóshesiniń joldary.
«Nátıjesinde jergilikti jelidegi joldardyń normatıvtik jaǵdaıdaǵy úlesin 84%, respýblıkalyq jol boıynsha 85%-ǵa deıin jetkizemiz. Oryndalǵan jumystyń sapasy boıynsha jyl saıyn Jol aktıvteriniń ulttyq sapa ortalyǵymen jumys jáne materıal sapasyn saraptaý boıynsha shart jasaımyz. Sonymen qatar nysandarda tehnıkalyq qadaǵalaý qyzmetteri bolady. Osy jyly merdiger uıymdarǵa qoıylǵan sharttyq mindettemeler de kúsheıtildi, salynǵan jáne jóndelgen joldardyń kepildik kezeńin uzartý jumysy júrgizilip jatyr», - deıdi Sátjan Ablalıev.
Byltyr SQO-da 31,1 mlrd teńgege 859 km jol jóndelgen. Jumys oblystyń barlyq aýdandarynda júrgizildi. Respýblıkalyq mańyzy bar 196 km joldy ortasha jóndeý arqyly jónge keltirýge 9,4 mlrd teńge jumsaldy. Jergilikti jáne kentishilik joldardyń 663 shaqyrymy jóndeldi, bul maqsatqa 21,7 mlrd teńge bólindi. 47 eldi mekende 148 km joldyń sapasy jaqsardy.
