Soltústik Qazaqstan oblysynda jol apatynyń basty sebepteri aıtyldy
SQO polıtsııa departamenti baspasóz qyzmetiniń málimetinshe, jyl basynan jaıaý júrginshini qaǵyp ketýdiń 27 faktisi oryn alǵan, saldarynan eki adam qaza taýyp, 26 adam jaraqat alǵan.
Jol-kólik oqıǵasyna jaıaý júrginshiler ótkelinen ótý jáne manevr erejesin buzý, jyldamdyqty asyrý, ara qashyqty saqtamaý, retteýshiniń belgisin sebershi bolady. Sondaı-aq kisi ólimi bolǵan apattar saǵat 16.00-18.00 jáne 18.00-20.00 aralyǵynda jıi tirkelgen. Polıtseılerdiń aıtýynsha, saǵat 00.00 men 04.00 aralyǵy da qaýipti kez dep sanalady.
Jol-kólik oqıǵalaryn taldaǵan tártip saqshylary mas júrgizýshilerge qatysty derekterdi anyqtady. Bes aıdyń ishinde 11 fakti, naqtyraq aıtsaq, ár jetinshi apatty ishimdikke qumar júrgizýshiler jasaǵan. Saldarynan 2 adam mert bolyp, 15 adam jaraqattandy.
«Jol-kólik oqıǵalaryn taldaýdyń mańyzy zor. Ol patrýldik polıtsııa marshrýttaryn túzetýge, jedel-profılaktıkalyq is-sharalar josparyn ázirleýge kómektesedi. Jol qozǵalysynyń barlyq qatysýshylaryn saq bolýǵa jáne jolda júrý erejeleri muqııat saqtaýǵa shaqyramyz — bul joldaǵy qaýipsizdiktiń basty sharty», - deıdi SQO PD Jergilikti polıtsııa qyzmeti basqarmasynyń bastyǵy Aıdyn Baımatov.