Soltústik Qazaqstan oblysynda jańbyr jaýdy
PETROPAVL. QazAqparat – Soltústik Qazaqstan oblysynda túnde jarty saǵattan astam jańbyr jaýdy, dep habarlaıdy QazAqparat tilshisi.
SQO-da aqpan aıynda jańbyr jaýýy – sırek kezdesetin tabıǵı qubylys.
«Óńirde atlantıkalyq tsıklonnyń áserinen túnde sekýndyna 22 metr, Petropavlda sekýndyna 19 metrge deıin soqqan qatty jel turdy. Oblystyń barlyq aýmaǵynda jaýyn jaýyp, kóktaıǵaq boldy. Qaýipti gıdrometeorologııalyq jaǵdaı týraly birinshi bolyp ıAvlenkadaǵy meteorologııalyq stansa habardar etti. Esil aýdanynyń ortalyǵynda jańbyr saǵat 00.41 mınýtte bastalyp, 17 mınýt boıy jaýǵan», - delingen «Qazgıdromet» RMK SQO fılıalynyń habarlamasynda.
Al Petropavldaǵy meteorologııalyq stansanyń málimetinshe, atmosferalyq qubylystar 2 aqpan saǵat 23.30 mınýtta bastalǵan. Basynda qar jaýsa, 1 saǵat 16 mınýttan keıin jańbyrǵa ulasqan. Jańbyr oblys ortalyǵynda 35 mınýt boıy jaýdy. Qazir óńirdiń birqatar aýdanynda kóktaıǵaq saqtalǵan.
Buǵan deıin «Qazgıdromet» aldaǵy 3 táýlikke aýa raıy boljamyn jarııalaǵan edi.
