Soltústik Qazaqstan oblysynda túrmede jazalaryn ótep júrgen 30 adam óz ózderine qol salǵan
ASTANA. Shildeniń 22-si. QazAqparat /Jasulan Amanbaıuly/ - Soltústik Qazaqstan oblysynyń Gornyı eldi mekeninde ornalasqan ES-164/4 túzetý mekemesinde jazalaryn ótep júrgen 30 adam ózderine qol salǵan. Olardyń 6-ýy aýrýhanada jatyr. Bul týraly búgin aptalyq brıfıng barysynda Ádilet mınıstrliginiń resmı ókili Erbolat Erimbet málim etti,
dep habarlaıdy QazAqparat.
Shildeniń 21-i kúni oryn alǵan oqıǵa kezinde sottalǵandardyń 30-y óz ózderine qol salǵan bolatyn. Sol kúni aq 13 adam aýrýhanaǵa jatqyzylǵan. «Qazirgi kezde barlyǵy turaqtandyrylyp, olardyń densaýlyqtary qalypty dep baǵalanýda», deıdi E.Erimbet.
Qazirgi ýaqytta olardyń 7-ýi aýrýhanadan shyqty. Qalǵan 6-ýy áli de bolsa dárigerlerdiń qaraýynda.
«Basty sebep - túrmeniń ishki tártibine narazylyq tanytý bolyp otyr», dep atap kórsetti resmı ókil.
