Soltústik Qazaqstan oblysynda tumaýǵa qarsy vaktsına egilip jatyr
PETROPAVL. QazAqparat - Soltústik Qazaqstan oblysynda tumaýǵa qarsy ekpe jumystary júrgizilip jatyr. Tek Petropavl qalasyna ǵana 26 myń vaktsına satyp alyndy, dep habarlaıdy QazAqparat.
Tumaýǵa qarsy vaktsına birinshi kezekte aýrýǵa qarsy turar qabileti az toptaǵy adamdarǵa egiledi. Bul topqa - balalar, júkti áıelder, sozylmaly aýrýy bar adamdar, sonymen qatar medıtsına qyzmetkerleri men jumysy halyqpen tyǵyz baılanysty adamdar jatady. Dárigerlerdiń aıtýynsha, tumaýǵa qarsy ekpe aýrýdy múldem boldyrmaıdy emes, ol tek aýrýdyń tez ótýin qamtamasyz etip, asqynýdan saqtaıdy.
«Biz «GRIPPOL» vaktsınasyn aldyq. Bul dárimen burynnan jumys istep kelemiz. Bul ekpeniń saldary az, jeńil ótedi. Sábılerge alty aıynan bastap egemiz. Kezekke turǵandar óte kóp. Balalar bólimshesine 2 150 dana bólinse, ol bitýge taıap qaldy», - deıdi Petropavl qalalyq balalar emhanasynyń medbıkesi Elena Toqtaǵulova.
Mamandardyń aıtýynsha, oblysta tumaý jáne jedel respıratorlyq vırýstyq ınfektsııalar epıdemııasy ádette jeltoqsan aıynyń sońynda bastalyp, qańtar aıynda shegine jetedi. Byltyr oblysta balalar men eresekter arasynda tumaý juqtyrǵandar sany 317-ge jetken.
Avtor: Aqerke Dáýrenbekqyzy
