Soltústik Qazaqstan oblysynda termınaldardan aqsha urlaǵan adam ustaldy
PETROPAVL. QazAqparat - Soltústik Qazaqstan oblysynda polıtseıler tólem termınaldaryn qıratqan er adamdy ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Qaskúnem túnde Saýylmakól aýylyndaǵy dúkenge kelip, ondaǵy tólem termınaldaryn qıratqan. Barlyǵy úsh termınaldaǵy 500 myń teńgeden astam aqshany jymqyrǵan. Dúkenge kelgen túngi «qonaq» 30 jastaǵy Kókshetaý turǵyny bolyp shyqty. Ol ustalyp, qamaýǵa alyndy.
Termınaldyń ıesi Arman Rahıev qylmystyń izin sýytpaı dereý ashqany úshin polıtsııaǵa alǵys aıtty.
SQO-nyń ІІD bastyǵynyń atyna jazylǵan hatta ol aýdandyq ІІB basshysy Ǵabdýlınniń, polıtsııa podpolkovnıgi Serkeshevtiń, polıtsııa maıory Jandosovtyń, Álibekovtiń, Isınniń, polıtsııa kapıtany Ábdrahmanovtyń, aǵa leıtenant Talaspaevtyń eńbegin eskerýdi suraǵan.
